Plantun de Prouvènço

Pèr coumpara dos planto d'encò nostre

Cotinus coggygria & Tozzia alpina

Pevoulié

Cotinus coggygria

Anacardiaceae

Àutri noum : Bos jaune, Baiso-ma-mìo, Fustet, Parouvié, Sumac.

Noms en français : Arbre à perruques, Fustet.

Descripcioun :
Lou pevoulié es un aubret eisa de recounèisse emé soun enflourejado plumouso e si fueio óuvalo e verdalo. Trachis sus li pendis roucaious e lis esboudèu de colo e basso mountagno.

Usanço :
La rusco de pevoulié servié à rusca lou cuer coume aquelo dóu fàuvi, Rhus coriaria, e li fueio pèr tencha en jaune la lano. O. Madon raporto que servié peréu pèr sougna li lapin : "Lei lapin an uno malautié qu'apèlon lou gros ventre. Alor lei gènt ié dounavon de pevoulié pèr lou faire passa... l'escorço, pas li fueio... uno brancho. Falié vèire, levavon touto la pèu, lou rasclavon, pèr manja l'escorço" (op.cit. p. 57).

Port : Aubret
Taio : Pancaro entresigna
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Cotinus
Famiho : Anacardiaceae

Coulour de la flour : Jauno
Petalo : 5
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Basso mountagno - Roucaio - Esboudèu - Colo
Estànci : Mesoumediterran à Coulinen
Couroulougi : Pancaro entresigna
Ref. sc. : Cotinus coggygria Scop., 1771

Touzìo

Tozzia alpina

Orobanchaceae Scrophulariaceae

Nom en français : Tozzie des Alpes.

Descripcioun :
Aquesto planto, pulèu raro, trachis en mountagno en ribo de riéu, dins li palun e li "prado à rousèu". Es uno planto à mita parasito que vèn sus d'ùnis Asteraceae : erbo-de-la-pèsto, erbo-di-tignous... Se recounèis à si flour jauno tacado de rouge e virado tóuti dóu meme coustat, e à si fueio óupousado qu'embrasson la cambo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 50 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Tozzia
Famiho : Orobanchaceae
Famiho classico : Scrophulariaceae

Ordre : Lamiales

Coulour de la flour : Jauno
Petalo : irreguliero
Ø (o loungour) enflourejado : 9 à 11 mm
Flourido : Printèms - Estiéu

Sòu : Ca
Autour basso e auto : 700 à 2200 m
Aparado : Vo
Mai à avoust

Liò : Riéu - Prado à rousèu - Palun tourbous
Estànci : Subaupen à Aupen
Couroulougi : Ouroufito-Sud-Éuroupenco
Ref. sc. : Tozzia alpina L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Cotinus coggygria & Tozzia alpina

Coumpara Pevoulié emé uno autro planto

Coumpara Touzìo emé uno autro planto